Er Arquevèsque d’Urgelh e Coprince d’Andòrra, damb motiu des grans aiguats patits ena Val d’Aran e en Palhars Sobirà, da a conéisher çò que seguís:
Toti es que formam er Avescat d’Urgelh e jo madeish, coma bisbe vòste, èm unidi a toti es ciutadans e as pòbles dera Val d’Aran e deth Palhars Sobirà en aguesti moments de pròva entà toti es pirinencs, pr’amor des gròssi aiguats qu’an hèt maus materiaus, e sustot, an estat ua angònia dauant deth perilh de pèrder cases e bens.
Volem hèr a arribar un messatge de comunion e d’arregraïment ath Mgfic. Sr. Sindic, ath Conselh Generau, as Alcaldes e Còssos de toti es pòbles d’aguesti parçans, per tot er esfòrç que hèn en aguesti moments, amassa damb es fòrces de seguretat, es pompièrs, es agents forestaus e d’auti grops de volentaris que s’an metut ben lèu e generosament ath servici des ciutadans.
E preguem amassa ara Mare de Dieu de Mijaran tà que mos sauve en aguestes ores de patiment. Era, en sòn Santuari de Mijaran negat, tanben a patit es destròsses, e s’a unit as sòns hilhs d’Aran en patiment e ena angónia. Ara mos ajudarà a seguir endauant damb esperança e solidaritat es uns damb es auti.
Me senti unit a toti vosati. Damb era mia benediccion e comunion en Crist.
+Joan-Enric Vives
Arquevèsque d’Urgelh e Coprince d’Andòrra.
La Seo d’Urgelh, 19 de junh de 2013
Fotos: Estat del Santuari de Mijaran després de quedar afectat per les inundacions